Vadim Abramov: "Bizning safimizda ikkita teng kuchli posbon bor"

"O'yin juda qiyin bo'ldi. Hisobni ochdik, ammo darhol to'p o'tkazib yubordik. SHundan so'ng qiyinchilik paydo bo'ldi. SHoshildik. Yigitlarga rahmat, gol urib g'alaba qozona oldik. Muxlislar hakamni haqorat qilishdi, ammo hakam o'yinni yaxshi boshqardi deb o'ylayman. Xatto menimcha "Neftchi" darvozasiga penalti belgilamadi", - deydi Vadim Abramov.

"Metallurg"ga qarshi o'yinda ikki ochko yo'qotdik. O'sha o'yinda 10 daqiqa davomida golni inobatga olish borasida bahslar bordi. Bu futbol unda kutilmagan natijalar bo'ladi".

"Neftchi" himoyaviy taktika tanladi va asosan qarshi hujumda o'ynadi. Agar jamoa o'z oldiga yuqori maqsadlarni qo'ysa o'z uyida qo'rqmay, hujumkor o'ynashi kerak. Umuman olganda "Neftchi" yaxshi jamoa".

"Bikmaevni tushurishni mo'ljallagandik, ammo hisob teng bo'lib turganida Mamazulumovni tushirishga qaror qildim. Sababi raqib ko'pchilik bo'lib himoyalanayotganda Bikmaev qiynaladi. O'tgan safar "Metallurg" bilan bahsda shunday bo'ldi, raqib ko'pchilik bo'lib himoyada o'ynagandi va Maratda imkoniyat bo'lmagandi".

"Bizning safimizda ikkita teng kuchli posbon bor. Biroq oldimizda milliy terma jamoaning o'yinlari bor. O'yin amaliyoti bo'lishi uchun Ignatiyga imkon berayapmiz. U birinchi davrada jarohatlar bilan olishdi va hozir o'ziga kelib oldi. Masalan, "Nasaf" bilan bahsda boshqa darvozabon maydonga tushishi mumkin".

Komiljon Ikromov yozib oldi