Вадим Абрамов: "Бизнинг сафимизда иккита тенг кучли посбон бор"

"Ўйин жуда қийин бўлди. Ҳисобни очдик, аммо дарҳол тўп ўтказиб юбордик. Шундан сўнг қийинчилик пайдо бўлди. Шошилдик. Йигитларга раҳмат, гол уриб ғалаба қозона олдик. Мухлислар ҳакамни ҳақорат қилишди, аммо ҳакам ўйинни яхши бошқарди деб ўйлайман. Хатто менимча "Нефтчи" дарвозасига пенальти белгиламади", - дейди Вадим Абрамов.

"Металлург"га қарши ўйинда икки очко йўқотдик. Ўша ўйинда 10 дақиқа давомида голни инобатга олиш борасида баҳслар борди. Бу футбол унда кутилмаган натижалар бўлади".

"Нефтчи" ҳимоявий тактика танлади ва асосан қарши ҳужумда ўйнади. Агар жамоа ўз олдига юқори мақсадларни қўйса ўз уйида қўрқмай, ҳужумкор ўйнаши керак. Умуман олганда "Нефтчи" яхши жамоа".

"Бикмаевни тушуришни мўлжаллагандик, аммо ҳисоб тенг бўлиб турганида Мамазулумовни туширишга қарор қилдим. Сабаби рақиб кўпчилик бўлиб ҳимояланаётганда Бикмаев қийналади. Ўтган сафар "Металлург" билан баҳсда шундай бўлди, рақиб кўпчилик бўлиб ҳимояда ўйнаганди ва Маратда имконият бўлмаганди".

"Бизнинг сафимизда иккита тенг кучли посбон бор. Бироқ олдимизда миллий терма жамоанинг ўйинлари бор. Ўйин амалиёти бўлиши учун Игнатийга имкон бераяпмиз. У биринчи даврада жароҳатлар билан олишди ва ҳозир ўзига келиб олди. Масалан, "Насаф" билан баҳсда бошқа дарвозабон майдонга тушиши мумкин".

Комилжон Икромов ёзиб олди