“UzDongJu” o'z qarorgohida tayyorgarlik ko'rmoqda

Jamoa ayni paytda o'z qarorgohida mashg'ulotlarni davom ettirmoqda. Yig'in davomida murabbiylar shtabi bir qator nazorat uchrashuvlari orqali futbolchilarning imkoniyatini ko'rib chiqmoqda.

Qishki yig'in chog'ida madum muddat “Andijon” mashg'ulotlarida ishtirok etgan Bekzod G'oziev, Alisher To'xtasinov yana tarkibga qaytgan. Qolaversa andijonlik futbolchi Asror Rahmonov ham ayni damda jamoa mashg'ulotlarida ishtirok etmoqda.

O'tgan yili jamoa sharafini himoya qilgan 6 nafar futbolchi oliy liga klublari safiga borib qo'shilgan. Bular – Muzaffar Abdullaev (“So'g'diyona”), Davron Jo'raqulov, Akbar Xodjaev (“Obod”), Solohiddin Solohiddinov, SHoxruh Ergashev, Alisher Abduvohidov (“Andijon”).