Ulug'bek Hoshimov: "Hujumchi poziciyasiga 3-4 futbolchi davogarlik qilmoqda"
17 apr 22:12
Yangiliklar

Ulug'bek Hoshimov: "Hujumchi poziciyasiga 3-4 futbolchi davogarlik qilmoqda"

Teglar : Ulug'bek Hoshimov O'zbekiston olimpiya terma jamoasi

Malayziya olimpiya terma jamoasi darvozasiga ikkinchi golni urgan futbolchimiz Ulug'bek Hoshimov uchrashuvdan so'ng saytimizga kichik intervyu berdi

- Bugungi uchrashuv haqidagi fikrlaringiz?

- Avvalambor barcha o'zbek halqini g'alaba bilan tabriklayman. Bugun bizni qo'llab quvvatlab turgan barcha muxlislarga minnatdorchilik bildiraman. Dastlabki uchrashuv qiyin kechishi aniq edi. Muhimi biz g'alaba qozondik. Keyingi bahslarda ham g'alaba qozonishni niyat qilganmiz. Maqsadimiz kubokni O'zbekistonga olib ketish.

- Bosh murabbiy sizga ikkinchi bo'limda maydonga tushirdi. Ushbu tarkibda raqobat juda kuchli. Hujumchilar o'rtasidagi raqobat haqida gapirib o'tsangiz?

- Bosh murabbiyning qarori har doim to'g'ri bo'lib chiqadi. Rotaciya qilinmasa raqobat bo'lmaydi. Hozirgi tarkibda 3-4 hujumchi bor. Barcha hujumchilar asosiy tarkibdan joy olish uchun kurashishmoqda. Raqobat bo'lmasa rivojlanish bo'lmaydi.

- Joriy mavsum "Surxon" jamoasiga ko'chib o'tdingiz. Yangi jamoangiz haqida nimalar deya olasiz? "Surxon" jamoasi mavsumni yomon boshladi, ammo keyinchalik vaziyatni o'nglab oldi?

- Futbolda g'alaba va mag'lubiyat yonma-yon yuradi. Dastlabki turlarda mag'lubiyatga uchradik, biroq futbolchilar bilan vaziyatni to'g'irlash kerakligi haqida kelishib oldik va o'yinimizni yaxshilab oldik. G'alabalar sekin-astalik bilan kelmoqda. "Surxon" buyog'iga natijalarini yaxshilab boradi.