Ulug'bek Baqoev: “To'g'ri biz ko'p ochko yo'qotdik, lekin chempionat endi boshlandi”
14 mar 2020 19:07
Yangiliklar
Ulug'bek Baqoev: “To'g'ri biz ko'p ochko yo'qotdik, lekin chempionat endi boshlandi”
- Avvalambor, qo'qonliklarni g'alaba bilan tabriklayman. Bugun muxlislar jamoani yuqori darajada qo'llab-quvvatlab turishdi. Jamoaga keyingi o'yinlarda ham omad tilayman. O'yin borasida gapiradigan bo'lsam, shogirdlarimning o'yinidan qoniqdim. Ular mag'lubiyatga uchrab turganiga qaramay, shashtni tushirishmadi.
Bizning golni inobatga olmagan vaziyat biroz tushunarsiz bo'ldi, deb uylayman. Hozir ayrim o'yinchilarimiz yig'lab o'tiribdi. Biz futbolni muxlislar uchun o'ynaymiz. Futbolda princip bo'lishi uchun, go'zallik bo'lishi uchun intilishimiz kerak. To'g'ri biz ko'p ochko yo'qotdik, lekin chempionat endi boshlandi. Hozir xulosa chiqarishga shoshilmaslik kerak. Biz oldimizga qo'yilgan vazifadan qaytmaymiz", - deydi Ulug'bek Baqoev.
Fikrlar