Ulug'bek Baqoev: "Hozir OCHL haqida gapirmoqchi emasman"

"O'yin boshida futbolchimizning qo'pol xatosidan keyin darvozamizga penalti belgilandi va barchasi reja bo'yicha ketmadi. Ammo bu futbol, o'yinga qaytdik va hujumda agressivroq o'ynay boshladik. Nimadir o'xshadi, nimadir o'xshamadi. Gol urdik, yana urishimiz mumkin edi. Hech kimga etirozim yo'q, o'yin uchun yigitlarga rahmat. CHempionat davom etmoqda va keyingi o'yinga tayyorgarlikni boshlaymiz", - deydi Ulug'bek Baqoev.

- Qolgan o'yinlarda OCHL uchun yo'llanmaga imkoniyatni qanday baholaysiz?
- Bilasizmi, har bir o'yindan keyin shu savol berilmoqda. Bu haqda gapirishni xohlamayman, biz qadamma-qadam borishimiz kerak. Oldinda chempionatning 4ta o'yini bor va o'sha o'yinlardagi natijaga qarab yo'llanma olamizmi yoki yo'qmi ko'ramiz. Kurashni davom ettiramiz.

- Bugun "So'g'diyona" yaxshi o'yin namoyish etishiga nima xalal berdi?
- Aytdimku o'yin boshida qo'pol xatodan keyin kutilmagan holat ro'y berdi. Penalti belgilandimi demak bor ekan. O'yin sxemasini biroz o'zgartirdik, gol urdik. Yomon natija ham, natija hisoblanadi.

- Durang natija o'yinga mosmi?
- To'g'risini aytganda yutqazishimiz mumkin edi, yutishimiz ham mumkin edi. Demak durang adolatli bo'ldi. "Qo'qon-1912"ga keyingi o'yinlarda omad tilayman.

- Penaltidan keyin futbolchilarning ruhiyati tushdi deb o'ylaysizmi?
- Yo'q-yo'q. Aksincha biz yanada yaxshi o'ynay boshladik.

- Hakamlik haqida nima deya olasiz?
- Hakamlar haqida gapirmoqchi emasman, ularga baho qo'yadigan nazoratchi bor. Ularga uchrashuv tugagach o'yin uchun rahmat aytdim.