Ulug'bek Bakaev: "Professional futbolchi kerak bo'lsa darvozaga ham turishga tayyor bo'lishi kerak"

O'yin haqida

- Kubok o'yini bo'lgani uchun yosh futbolchilarni sinab ko'rdik. Ular yomon o'ynashmadi, yana gol urishimiz mumkin edi, ammo bu futbol. Hakamning oxirgi hushtagigacha o'ynash kerak. Kim nimaga qodirligini ko'rib oldik, ular orasidan bazilarga Superligada ko'proq imkoniyat beramiz. Kubokdagi maqsadimiz guruhdan chiqish, hali hammasi oldinda. Bir ochko ham natija, barcha yigitlarga rahmat aytaman, stadionga kelgan tomoshabinlarga minnatdorchilik bildiramiz.

- 28 raqamdagi futbolchi (Sohib Muhammadiev) haqidagi fikrlaringiz... 

- Yosh futbolchi, ko'rinib turibdi gol urishga istagi va xohishi juda katta, ammo mahorat va tajriba etishmadi. Umid qilamanki, o'yindan-o'yinga kuchayib boradi va jamoaga ko'proq foyda keltiradi.

- Iminov ikki o'yindan buyon o'ng qanot vingeri sifatida o'ynamoqda, ammo o'yini qovushmayapti. Balki uni markazga qaytargan maquldir... 

- Bizga hozir har bir o'yinda natija muhim, shu bois qaysidir futbolchini o'zi xohlagan joyda emas jamoaga foyda keltiradigan joyda o'ynatamiz. Professional futbolchi vaziyat taqozo etsa darvozaga ham turishga tayyor bo'lishi lozim.