Ulug'bek Abdullaev: “O'zbekiston kubogida g'olib chiqmoqchimiz”

- “Surxon” bilan bahsning birinchi bo'limida raqibdan ancha ustun ekanimizni ko'rsatdik. Baribir maydonda mezbon ekanlimiz tufayli ustunlikni o'z tomonidan ushlab turdik, asosan, to'pni nazorat qilish va raqib darvozasiga xavf tug'dirdik. Ikkita goldan keyin jamoamiz biroz xushyorlikni yo'qotishidan so'ng “Surxon”ning ustunlik qilishiga imkoniyat berdik. Buning natijasida raqibimiz gol urib oradagi farqni qisqartirdi. So'nggi daqiqalargacha o'yin qiziqarli kechdi. Biz esa oxirigacha kurashgan holda g'alabani o'z tomonimizda saqlab qoldik. 

“Bunyodkor”ning maqsadi O'zbekiston kubogida zafar quchgan holda xalqaro maydonga yo'llanma olish hisoblanadi. CHempionatda imkoniyatlarimiz ancha pasayib ketdi. Kubok orqali esa Osiyo CHempionlar ligasiga yo'llanma olishimiz mumkin. Deylik, “Surxon” bilan bahsda ham g'alaba qozonib, keyingi bosqichga chiqish uchun oxirigacha kurashdik. Bilasiz, hozirda kubokda ham kuchli jamoalar to'planishgan. Endilikda yarim finalda ham g'alaba qozonish uchun maydonga chiqamiz va g'alaba qozonmoqchimiz.