Uchrashuv oldidan. "Ishtiyoq va intilish kuchli bo'lgan jamoaga omad kulib boqadi"

Olmaliqda mezbon AGMK Toshkentning "Bunyodkor" jamoasini qabul qiladi. Qaysidir manoda turning qiziqarli va murosasiz kechishi kutilayotgan o'yini desak mubolag'a bo'lmaydi. Biz esa mazkur bahs oldidan o'z vaqtida ikki jamoa tarkibida to'p tepgan darvozabon, ayni paytda "Neftchi" darvozasini qo'riqlayotgan Akbar To'raevning fikrlari bilan qiziqdik.

"Fikrimcha, stadionga tashrif buyuradigan muxlislar jangovar o'yin guvohiga aylanishadi. Ikki jamoada ham yaxshi saviyadagi futbolchilarning yig'ilganligi o'yinni qiziqarli o'tishini taminlaydi, deb o'ylayman. Garchi "Bunyodkor" safida o'z akademiyasi tarbiyalanuvchilari ko'p bo'lsada, bu ularning kuchsizligini anglatmaydi. Akademiyadan birga katta bo'lgan futbolchilar o'rtasida bir-birini tushunish yaxshi bo'ladi. AGMKda esa "Bunyodkor"ga nisbatan olib qaraganda tajribaliroq ijrochilar yig'ilganini ko'rishimiz mumkin. 

Kuchlar teng, deya olaman. Aniq bir jamoani imkoniyatini yuqori baholamayman. Bugun kimda ishtiyoq va intilish kuchli bo'lsa, o'sha jamoaga omad kulib boqadi. O'ylaymanki, chiroyli va saviyali futbol ko'ramiz",- deydi Akbar To'raev.

Eslatib o'tamiz AGMK - "Bunyodkor" o'rtasidagi uchrashuv bugun soat 18:50da boshlanadi. 

Coca-Cola Superliga. 8-tur

14 may, juma

AGMK – BUNYODKOR
Hakamlar: Ilgiz Tantashev, Andrey Capenko, Timur Gaynulin, Ilya Ilin
Nazoratchi: Marat Ismailov
VAR hakami: Akobirxo'ja SHukurullaev
VAR assistenti: Jahongir Saidov
VAR nazoratchi: Valentin Kovalenko
Operator: SHerali Jonaliev
Texnik mutaxassis: Muhitdin Qambarov
Komissar: SHohruh Said.

"Bunyodkor" AGMKni 3ta o'yindan beri yuta olmayapti yoxud Maqsudov Qosimovga qarshi