"U kabi futbolchini endi maydonga tushirmayman". Kanchelskis kimni nazarda tutgan edi?

Andrey Kanchelskis "Zaxirada ko'zi yonib turgan, o'ziga beriladigan imkoniyatni poylayotgan futbolchilar ko'p. O'zgarishlar qilinadi, tarkibda ayrim kamchiliklar yopiladi. Ismini aytmayman, u kabi futbolchilarni endi maydonga tushirmayman, buni "Navbahor" muxlislari oldida ham vada bera olaman", degandi.

9-turda "lochinlar" o'z maydonida "Qizilqum"ni qabul qildi va 1:0 hisobida g'alabaga erishdi. Kanchelskis mazkur bahsda "Bunyodkor" bilan o'yinda tushgan futbolchilardan faqat ikki nafarini tushirmadi xolos: Ivan Solovyov va Obid Jo'raboev. "Bunyodkor" bilan bahsda o'ynagan qolgan barcha futbolchilar "Qizilqum" bilan uchrashuvda ham ishtirok etishdi.

Ivan Solovyov "Bunyodkor" bilan o'yinning tanaffusida almashtirilgan bo'lsa Obid Jo'raboev 78-daqiqada zaxiradan o'yinga qo'shilgan edi.

Solovyov "Qizilqum"ga qarshi bahsdan oldin sariq kartochkalari soni 4taga etgani bois diskvalifikaciyaga uchraganini ham takidlash lozim. Obid Jo'raboev esa "Qizilqum" bilan o'yindan bir kun avval "Navbahor" U-21 safida maydonga tushdi.

Sizningcha Kanchelskis kimni nazarda tutgandi? Yoki murabbiy fikridan qaytgan va "o'sha" futbolchini "Qizilqum" bilan bahsda maydonga tushirganmikin?