Turkiya Superligasi. “Karagyumruk” Ozdoevning goli evaziga mag'lubiyatdan qutulib qoldi. SHukurov 2-taymda maydonga tushdi (+turnir jadvali)

Uchrashuvda hisobni 33-daqiqada Jenk Tosun ochdi. 2-tagm boshida esa mezbonlarning rossiyalik legioneri Magomed Ozdoev gol urib, muvozanatni tenglashtirdi. Otabek SHukurov 69-daqiqada Andrea Bertolachchi o'rniga zaxiradan bahsga qo'shildi. Uchrashuvda esa hisob boshqa o'zgarmadi.

Andrea Pirlo shogirdlari ochkolarini 23 taga etkazib, musobaqa jadvalida 10-o'rinda bormoqda. “Beshiktosh” esa 39 ochko bilan 4-pog'onada turibdi va peshqadam “Galatasaroy” bilan farq 9 ballni tashkil etmoqda.

Eslatib o'tamiz, fotihliklar keyingi turni 4 fevral kuni safarda “Ankaragudju”ga qarshi o'tkazadi.