Transfermarkt va Championat.Asia aprel oyining eng yaxshilarini aniqlashdi
02 may 2023 17:00
Yangiliklar

Transfermarkt va Championat.Asia aprel oyining eng yaxshilarini aniqlashdi

Championat.Asia va dunyoga mashhur bo'lgan Transfermarkt portalining o'zaro hamkorligi bu yil ham davom etmoqda.

Ushbu hamkorlik doirasida ikki sayt birgalikda har oy Superliganing eng yaxshi murabbiy va eng yaxshi futbolchisini aniqlab kelmoqda.

Ovoz berish jarayonida Championat.Asia sayti jurnalistlari hamda Transfermarkt portalining rus bo'limi xodimlari ishtirok etishdi, taklif etilgan ekspert sifatida O'zbekiston terma jamoasi sobiq futbolchisi, taniqli mutaxassis Baxtiyor Ashurmatov qatnashdi.

Ovoz berish natijasiga ko'ra eng yaxshi murabbiy sifatida Maksim SHackix tan olindi. Uning qo'l ostida "Paxtakor" Superliganing 4ta uchrashuvida 4ta g'alabaga erishdi va peshqadamlar safiga qaytdi. SHackixga so'ralganlarning 76% ovoz berdi.

Oy futbolchisi sifatida "Paxtakor" sardori Dragan CHeran etirof etildi. U aprel oyidagi 4ta uchrashuvda 6ta gol urdi. CHeranga 52% ovoz berildi, uning eng yaqin taqibchilari - Husniddin Aliqulov ("Nasaf") va Oston O'runov ("Navbahor") - 16% dan ovoz olishdi.