"Tottenxem" himoyachisi Rouz "Trabzonspor"ga o'tishga yaqin

30 yoshli angliyalik futbolchi "Trabzonspor"ga o'tishga yaqin, klub unga 3,5 yillik shartnoma taklif qilmoqda.

Rouz joriy mavsum "shporlar"ning hech bir musobaqasi uchun qaydnomadan o'rin egallamadi, u zaxira jamoasida o'ynamoqda.

Himoyachi o'tgan mavsumning ikkinchi qismini ijara asosida "Nyukasl"da o'tkazgan edi. Uning "Tottenxem" bilan tuzgan shartnomasi 2021 yilning 30 iyuniga qadar mo'ljallangan.

Oldinroq, Rouzni "Vest Bromvich" ham xarid qilmoqchi edi, ammo o'yinchi chet el klubiga o'tishni afzal ko'rdi.