Toshkentdagi yangi arenada ochilish marosimiga bag'ishlangan turnir bo'lib o'tdi

UCFGA endi o'z arenasiga ega bo'ldi. 7-8 yanvar kunlari associaciyaning yangi arenasi ochilish marosimi bo'lib o'tdi. Tashkilot prezidenti Azizbek Pattaxovning say-harakatlari o'z samarasini berdi.

20dan ortiq PS4 (PlayStation 4) konsoliga va katta ekranga ega bo'lgan arena ochilish marosimida yurtimizning taniqli insonlari ham ishtirok etdi.

Reper SHahriyor hamda rejisyor hamda aktyor Muhammadali Iskandarov o'zlarini FIFA17 o'yinida sinab ko'rishdi.

Associaciya 7-8-9-10 yavnar kunlari barcha FIFA17 muxlislarini o'zini ushbu o'yinda sinab ko'rish uchun akciya elon qilib, hammani arenaga taklif qilgan edi. 7-8 yanvarda ochilish marosimi hamda tashkilot prezidenti Azizbek Pattaxovning tug'ilgan kuniga atalgan "Birthday Cup in UZ Arena" turniri bo'lib o'tdi.

Kiberfutbolchilar associaciya prezidenti Azizbek Pattaxovni tug'ilgan kuni bilan alohida tabriklashdi.

Barcha g'olib va sovrindorlarga PS4 konsolining jostiklari sovg'a qilindi.