Timur Talipov to'p tepayotgan "Alay" Qirg'iziston kubogi sohibi bo'ldi

Finalda "Abdish - Ata"ga qarshi maydonga chiqqan o'shliklar 36-daqiqada Inkum tomonidan urilga yagona gol evaziga g'alaba qozondi va bosh sovringa ega chiqdi. Ushbu uchrashuvda "Alay" tarkibida hamyurtimiz Timur Talipov faol harakat qildi va jamoasining muvaffaqiyatiga hissa qo'shdi. Final o'yinidan so'ng Timur Talipov saytimizga o'zining fikrlarini bildirib o'tdi.

"Ichki chempionatda natijamiz yaxshi bo'lmagani sababli kubok bahsiga jiddiy tayyorgarlik ko'rgan edik. Jamoadagi ko'p futbolchilar pandemiya sabab yaxshi holatda emasdi. Lekin, kubokda g'olib chiqib o'z maqsadimizga erishdik. Barcha jamoalar kubokni olishga munosib o'yin ko'rsatdi. Omad biz tomonda bo'ldi. Jamoamiz 2013 yildan Qirg'iziston kubogida g'olib chiqa olmayotgandi. SHu sababli bizdan barcha g'alabani kutdi. Pandemiya nafaqat futbolga balki, barcha sport turlariga o'z tasirini o'tkazdi. CHempionat bahslariga tayyorgarlik ko'rishimiz va tiklanishimiz qiyin kechdi. Barcha yig'inlarda tayyorgarlikni boshidan boshlashga majbur bo'ldik. Muxlislarsiz o'ynash ikki hissa qiyinchilik tug'dirdi",- deydi Timur Talipov.  

Abdulaziz Iskandarov yozib oldi