Termizdagi o'yin nazoratchisi janjal qaerdan kelib chiqqanini malum qildi
05 iyu 2017 14:43
Yangiliklar
![](https://championat.asia/upload/storage/257849_original.jpg)
![](/upload/storage/257849_220.jpg)
Termizdagi o'yin nazoratchisi janjal qaerdan kelib chiqqanini malum qildi
Qizig'i, hamma qizil kartochkalar 90+4-daqiqada ko'rsatildi. Bosh hakam har ikki jamoaning to'rttadan o'yinchisini maydondan chetlatdi.
Mana shu bahsda shahrisabzlik taniqli nazoratchi SHamil aka Jumaev hakamlar nazoratchisi sifatida ishladi. Biz SHamil aka bilan bog'lanib o'yinda yuz bergan voqeani o'rganishga harakat qildik.
- Assalomu Alaykum, SHamil aka yaxshimisiz?
- Rahmat, Xudoga shukur yaxshiman.
- SHamil aka, kecha bo'lib o'tgan birinchi liganing "Surxon" - "Andijon" bahsida siz hakamlar nazoratchisi bo'lib ishladingiz. Bu o'yinda nima voqea yuz berdi?
- Ikkita jamoa futbolchilari o'yin oxirlarida to'rttadan qizil kartochka olishdi. Bu haqda uchrashuv protokolida ham ko'rsatilgan.
- Nima bo'ldi o'zi janjalmi?
- Ha, futbolchilar o'zlarini boshqara olishmay qolishdi. Ikkala jamoaga ham g'alaba zarur edi. Natijada janjal kelib chiqdi.
- Janjalni kim boshladi?
- Janjalni andijonlik futbolchi boshladi.
- 90-daqiqada "Andijon" futbolchisi gol urgach, hisob 2:2 ko'rinish oldi. Hammasi shundan keyin boshlandimi?
- Yo'q, goldan keyin emas. Goldan so'ng o'yin yana davom ettirildi. Hakam to'xtalishlar uchun olti daqiqa qo'shdi. Maydon markazidagi qo'pollikdan so'ng janjal boshlanib ketdi. Bu paytda 90+4-daqiqa o'tib borayotgandi.
- Demak, o'yin tugashiga ikki daqiqa qolganida yuz bergan. Undan keyin o'yin to'xtatildimi?
- Qizil kartochkalar berilganidan keyin ham uchrashuv ikki daqiqa davom ettirildi. Bahs yakuniga etgach, futbolchilar bir-birlarining qo'lini siqib qo'yishdi. Hech kim ortiqcha ish qilmadi.
Xayrulla Xoliqov yozib oldi.
O’xshash yangiliklar
![AMP Logo](https://championat.asia/image/logo-amp.png)
Fikrlar