Terma jamoaning Avstriyaga ketadigan tarkibi malum

Samvel Babayan bu yig'inga 21 nafar futbolchini olib ketishga qaror qildi. Terma jamoa azolari bugun "Markaziy" mehmonxonasiga to'planishdi. Biz mehmonxonaga kelgan futbolchilar bo'yicha tarkibni aniqlashga muvaffaq bo'ldik.

Server Jeparov, SHerzod Azamov va SHuhrat Muhammadiev jarohat tufayli yig'inga borishmaydi.

Eslatib o'tamiz, terma jamoa Avstriyadagi yig'indan qaytib kelgach 24 iyul kuni Iroq bilan o'rtoqlik uchrashuvi o'tkazadi. SHoxruz Norxonov, Zafar Polvonov, Doston Tursunov va boshqa futbolchilar aynan Iroq bilan bahsdan oldin terma jamoa safiga qo'shilishadi.


Darvozabonlar: Ignatiy Nesterov ("Lokomotiv"), Eldorbek Suyunov ("Nasaf")

Himoyachilar: Davron Hoshimov, Stanislav Andreev, Kamoliddin Tojiev (barchasi "Paxtakor"), Akromjon Komilov, Akmal SHorahmedov (ikkisi "Bunyodkor), Aleksandr Merzlyakov, Ruslan Melziddinov (ikkisi "Buxoro"), Islom To'xtaxo'jev ("Lokomotiv").

Yarim himoyachilar: Javohir Sohibov, Azim Ahmedov, Jamshid Boltaboev, SHerzod Karimov, Jamshid Iskanderov (barchasi "Paxtakor"), Salamat Qutiboev ("Buxoro"), Dostonbek Hamdamov ("Bunyodkor"), Jasur Hasanov ("Lokomotiv")

Hujumchilar:  Murod Bobojonov ("Neftchi"), Eldor SHomurodov ("Bunyodkor"), Marat Bikmaev ("Lokomotiv").