Taniqli yoshlar murabbiyi Dilshod Nuralievni tabriklaymiz

Bu inson haqida uzoq gapirish mumkin. Akmal SHorahmedov, Vitaliy Denisov, Sanjar Tursunov, Farhod Tojiev, Marat Bikmaev kabi futbolchilarni o'z vaqtida kashf etib, tarbiyalab o'zbek futboliga etkazib berganining o'ziyoq Dilshod Nuralievning qanday toifadagi murabbiy ekanligidan dalolat berib turibdi.

SHuningdek, Dilshod Jo'raalievich O'zbekiston U-16 terma jamoasi bilan birga Osiyo chempioni bo'lgan. Bunga qadar hech bir terma jamoamizga Osiyo chempioni bo'lish baxti nasib etmagandi. Eronning Taxti shahri mezbonlik qilgan qita chempionati Nuraliev jamoasining triumfi bilan yakunlangan edi.  Bugungi kunda milliy terma jamoamizning azolari Rustam Ashurmatov, Doston Hamdamov, Otabek SHukurov, Odil Hamrobekov, Javohir Sidiqqov, Akrom Komilov singari futbolchilar Dilshod Nuralievning shogirdlari sanaladi. 

Bugungi kunda "Lokomotiv" o'rinbosarlar jamoasida shuningdek klub futbol maktabini rivojlantirishda o'z hissasini qo'shayotgan mutaxassis haqida ko'p va xo'p gapirish, u kishiga tesha tegmagan tariflarni berish mumkin. Fursatdan foydalanib,  barcha o'zbekistonlik futbol muxlislari, saytimiz o'quvchilari hamda ijodkorlari, shogirdlari nomidan Dilshod Nuralievga sog'lik-salomatlik, oilaviy baxt, omad tilab qolamiz. Tug'ilgan kuningiz muborak bo'lsin, Dilshod Jo'raalievich!