Tachmurod Agamuradov: "Jismoniy holatni yaxshilashga etibor qaratamiz"

"Bugungi uchrashuv qiziqarli va muxlisbop tarzda o'tganiga qaramay ob-xavoning tasiri kuchli bo'ldi. G'uzordan 1 ochko olib ketishga yaqin turgandik ammo mezbonlarning tezkor harakatlari o'z samarasini berdi. SHu munosabat bilan raqibimizni bugungi g'alaba bilan tabriklayman" – deydi Samarqandliklar bosh murabbiyi o'yindan keyingi intervyusida.

-Durangni ushlab qolish uchun bugun jamoangizga nima etishmadi deb o'ylaysiz?

-Uchrashuvning so'ngi daqiqalarida yigitlarda charchoq ancha sezilib qoldi. Bunga ob-havoning issiqligi o'z tasirini o'tkazmasdan qolmaganligi ham sabab bo'ldi. Bu esa o'z o'rnida keyingi o'yinlarda jamoaning jismoniy holatini yaxshilash ustida ish olib borishga etibor qaratishim lozim ekanligidan dalolat beradi.

-Hakamlar harakatlariga etirozingiz yo'qmi?

-O'zbekiston professional futbol ligasining reglamentiga asosan biz hakam yoki uning xatti-harakatlari haqida biror izoh berish taqiqlab qo'yilgan. Ammo bugungi uchrashuv hakamlariga o'yinni yaxshi boshqarganlari uchun o'z minnatdorchiligimni bildiraman.