"Superliganing eng yaxshilariga terma jamoada imkoniyat berilmagani xayron qoldiradi. Katanec o'ziga keraklilarni aniqlab olgan" - Islom To'xtaxo'jaev

Bunday vaziyatda asosiy yuk himoya chizig'i vakillariga tushadi. Terma jamoa safida ko'plab uchrashuvlarda maydonga tushgan tajribali futbolchi Islom To'xtaxo'jaev bo'lajak o'yinlardan oldin mudofaa chizig'imiz haqida fikr bildird.

- Ancha vaqtdan beri terma jamoadan chaqiruv olganingiz yo'q. Demak chetdan kuzatish imkoni bo'lgan. O'zbekiston milliy terma jamoasining bugungi himoyasi haqida fikringiz qanday?
- Bu chiziqda jamlangan futbolchilarning barchasi iqtidorli. Har biri o'ziga yarasha kuchli.

- Srechko Katanec sizning barcha futbolchilarni kuzatyaptimi? SHaxsan bizga bu narsa sezilmadi...
- Menimcha o'ziga kerakli o'yinchilarni aniqlab olgan. Hamma murabbiyning o'ziga yarasha qarashlari, falsafasi bor. SHuning uchun ularni faqat qo'llab-quvvatlash kerak.

- CHiziqlardagi raqobatga qanday baho berasiz?
- Ochig'i bilmadim. Men uchun bugungi kunda kim zo'r sport formasida bo'lsa, o'sha futbolchi to'p tepishi kerak. Ayni paytda Superligada eng yaxshi bo'lib turganlarning ko'pchligiga biror marotaba imkoniyat berilmagani xayron qoldiradi. Aksiga olib faqat o'rtoqlik uchrashuvlari o'tkazilyapti.

- Senegalga umuman Afrika qitasi jamoalariga qarshi o'ynagan futbolchi sifatida himoyachilar qanday harakat qilishi kerak, deb o'ylaysiz?
- Baquvvat himoyachilarimizga ishonaman. Murabbiyning ko'rsatmasini bajarishga harakat qilishsa, hammasi ko'ngildagidek o'tadi.

Abdulaziz Iskandarov suhbatlashdi