Superligaga qaytgan "Mashal"ga sobiq futbolchilar tabrik yo'llashdi

Aleksandr Xomyakov - «Andijon» jamoasi bosh murabbiyi

Bilasizmi, men «Mashal»dan ketayotib jamoani Superligada kutishimni aytgandim. Nihoyat ular ham yana keyingi yil Superligada o'ynashadi. Bundan juda xursandman, jamoani chin qalbimdan tabriklayman. Ular keyingi yili juda yaxshi o'zgarishlar qilishlari va tomoshabop o'yin ko'rsatishlari aniq. Jamoaga chin qalbimdan omad tilayman.

Baxtiyor Sattarov - "SHerdor" jamoasi bosh murabbiyi

O'zbek futbolini yorqin alangasi va ustunlaridan biri bo'lgan PFK "MASH'AL" jamoasini Superliga yo'llanmasini qo'lga kiritgani bilan o'zim va jamoamiz nomidan tabriklayman! "Mashal"ning Superligada ishtiroki o'zbek futbolini yutug'i bo'ladi. O'ylaymanki, jamoa yana o'z mavqeini tez orada tiklab, O'zbekistonni turli yoshdagi terma jamoalariga munosib futbolchilar etishtirishda davom etadi. Bu borada klubda tizim to'g'ri yo'lga qo'yilgan. U erdagi rahbarlar haqiqiy futbol mutaxassislari, I. Qurbonov esa hozirgi kundagi futbol menejerlarini eng yaxshilaridan biri. "Mashal" kuchlilar safiga qaytganidan xursandmiz.

Humoyun Murtazoev - «Nasaf» futbol klubi

Ikki yil «Mashal» Superligadan chetda qoldi. SHu vaqt mobaynida «Mashal»ni butun o'zbek futboli muxlislari yo'qlamagan va tilga olmagan kuni bo'lmadi hisob. Mana hozir men terma jamoa yig'iniga taklif etildim, tarkibga nazar solib qarasam Eldorbek Suyunov, Sanjar Quvvatov, Farrux Sayfiev, Eldor SHomurodov, Otabek SHukurov va o'zim bor ekanman. Bu katta natija va bunga osonlikcha erishilmagan. CHin qalbimdan «Mashal»ni tabriklayman, og'ir mavsumda mardonavor kurashib chempion bo'lishdi. CHemionlik muborak bo'lsin do'stlarimizga!

SHahzod Ubaydullaev - «Andijon» futbol klubi

Nihoyat bu safar «Mashal» maqsadiga erishdi. CHempionlik muborak bo'lsin, bu g'alaba butun o'zbek futboliniki ular «Mashal»ni ikki yil kutishdi. Menimcha bu yil «Mashal» Superligada kuchli jamoa bo'lib qaytadi. Klubdagi do'stlarimni va klub rahbariyatini yana bir bora tabriklayman.

Javohir Ilyosov - «Lokomotiv» futbol klubi

Avvalo «Mashal»ni yana o'z joyiga qaytgani bilan tabriklayman. Bolalar juda katta mehnat qilishib mana yakunda chempion bo'lishdi. Men doim «Mashal» bilan birgaman. O'ylaymanki keyingi Superligada «Mashal» o'zini har tomonlama ko'rsatadi. SHuni alohida takidlagan bo'lardimki, «Mashal»ga rahmat bizni shunday darajalarga etkazgan klub bo'ladi. Omad tilayman barcha barchalariga!

Jamoliddin Ubaydullaev - «Buxoro» futbol klubi

Avvalo men barcha Muboraklik futbol muhlislarini «Mashal»ning ashaddiy fanatlarini jamoaning Superligaga chiqqani bilan samimiy qutlayman. Ochig'i men juda xursand bo'ldim jamoani yana yuqori elitaga qaytganidan. O'ylaymanki«Gazchi»lar Superligada super g'alabalarni qo'lga kiritishadi. CHempionlik muborak bo'lsin !

Sardor Abdurimov - «Nasaf» futbol klubi

Ikki yillik o'zbek futbolidagi yangiliklar «Mashal»siz o'tdi. Bu esa baribir ko'pgina o'zbek futboli muhlislarini ranjitdi. CHempionlik bilan alohida tabriklayman. Muborak xalqiga yangi futbol bahori, yangi liga muborak bo'lsin!

Vohid SHodiev - «Qizilqum» futbol klubi

Ochig'i «Mashal» uchun juda xursandman, chunki bunday klubning joyi quyi ligada emas. SHu bois «Mashal»ning Superligaga qaytishi nafaqat Muboraklik balki butun o'zbek futboli muxlislarini juda quvontirdi. Men chempionlik bilan sobiq jamoamni tabriklayman. Keyingi yil yangicha va o'zgacha «Mashal»ni ko'ramiz degan umiddaman. Omad yor bo'lsin!

Zafar To'raev - «Qo'qon-1912» futbol klubi

Ikki yil oldin «Mashal»ni tark etgan bo'lsamda shu vaqt ichida doim «Mashal»ni sog'inib sobiq jamoamni tezroq elitaga qaytishini hohladim. Har-bir bahsni kuzatib bordim nixoyat men va «Mashal» muhlislari orziqib kutgan kun keldi. CHempionlik va Superliga bilan «Mashal»chilarni tabriklayman!

Sanjar Quvvatov - «Paxtakor» futbol klubi

Keyingi yili «Mashal»ga qarshi maydonga chiqamiz. Bu shaxsan men uchun qiziqarli. Muborakda shunday jamoa ikki yil PRO-Ligada yurdi. Ammo Muborakda futbol professional tarzda yo'lga qo'yilgani mana yana isbotini topdi. Superligaga chiqqani bilan sobiq jamoamni samimiy tabriklayman.

SHahzod SHaymanov - “Navbahor” futbol klubi

“Mashal” ni Superligaga qaytgani bilan tabriklayman. « Navbahor »da men bilan yana 4-5 nafar sobiq «Mashal»chilar bor ular ham «Mashal»ning elitaga qaytganidan xursand. CHunki bu klubning o'zbek futboli oldida tutgan o'rni, mavqei bor. Klubning barcha xodimlari va «Mashal»ni Superligaga yo'l olgani bilan qutlayman!