Superliga. O'tish o'yinida qaysi jamoalar bellashadi?

Yangi mavsum O'zbekiston Superligasida ishtirokchi jamoalar soni 16 taga oshiriladi. Malumot uchun, joriy mavsum 14 klub yuqori divizionda ishtirok etmoqda. 

Superliganing 2024 yilgi mavsumida 14 ta jamoa g'oliblik uchun raqobatlashdi. Yakunda so'nggi o'rinni egallagan 1 ta jamoa — "Lokomotiv" musobaqa bilan xayrlashdi. Uning o'rniga Pro liganing dastlabki ikki jamoasi — "Mashal" va "Buxoro" Superliga yo'llanmasini qo'lga kiritdi. 

Yana 1 ta yo'llanma esa Superliganing 12-13 hamda Pro liganing 3-4 jamoalari o'rtasida o'ynaladi. Bunda Proliganing 4-jamoasi uy o'tish o'yinida Superliganing 12-jamoasini, Pro liganing 3-jamoasi esa uy o'tish o'yinida Superliganing 13-jamoasini qabul qiladi. Har ikki bellashuv mag'lublari neytral maydonda Superliganing 16-ishtirokchisi nomiga oydinlik kiritadi.

O'tish o'yinida Pro Ligani 3-o'rinda yakunlagan "Qo'qon-1912" o'z maydonida Superligada 13-o'rinni egallagan "Metallurg"ni qabul qiladi. 

Pro Liga 4-o'rin sohibi "SHo'rtan" esa Superligada 12-o'rinni qo'lga kiritgan "Olimpik" bilan bahs olib boradi. Bellashuvlar 4 dekabr, chorshanba kuni o'tkaziladi. Mazkur o'yinlarda mag'lub bo'lgan jamoalar esa oxirgi yo'llanma uchun yana o'z omadini sinab ko'radi.