Superliga. "Metallurg" va "Qizilqum" safarda dahshatli natija qayd etmoqda, "Navbahor" Namanganda chempion

Mazkur tur oldidan ayrim natijalarni, faktlarni etiboringizga havola qilamiz. 

Mehmonda

Bekobod shahri klubi joriy yil hisobidan bugun  4 safar uchrashuvida ishtirok etadi. 

 Bu turgacha "Metallurg" "Navbahor" (0:3), "So'g'diyona" (2:2), "Andijon" (0:5) jamoalari mehmoni bo'lgan va ularning bittasida ortga ochko bilan qaytdi. "Madanchilar" 3ta bahsda o'z darvozalaridan jami 10ta to'p olib chiqishdi va raqib darvozasini 2 bor ishg'ol qilishdi. Superliga jamoalari orasida safarda gol o'tkazish bo'yicha eng yomon natija ayni paytda  "Metallurg"ga tegishli bo'lib turibdi. Ochko yig'ish borasida esa "Qizilqum"ga havas qilib bo'lmaydi ,4ta o'yin 4ta mag'lubiyat. Bu turda ular Toshkentda OKMKga qarshi o'ynaydi. 

Mazkur masalada "Bunyodkor" etakchilikni qo'lga olgan. Murod Otajonov "komanda"si 7ta turdan 5tasini mehmonda o'tkazdi va jami 12 ochko jamg'ardi, 4ta g'alaba va 1 mag'lubiyat, to'plar nisbati 9:3. Safarda mag'lubiyatga uchramagan faqatgina 2 klub qoldi, "Neftchi" va "Nasaf". Farg'onaliklar 4ta o'yindan 3tasida g'alaba, 1tasida murosa ko'chasini tanladi. "Ajdarlar"da 5 ochko mavjud, 1 g'alaba va 2 durang. 

Uyda kim chempion?

Albatta "Navbahor". Namanganda "lochinlar"ning parvozi muvaffaqiyatli chiqayotganini aytish joiz. Natijalar: 4ta o'yin 4ta g'alaba, to'plar nisbati 10:0, 12 ochko. Ortiqcha gap so'zsiz yuz foizlik ko'rsatkich. Biroq Namanganga kelgan jamoalarning darajasi "Navbahor"nikidan yuqori emasdi: "Qizilqum" (3:0), "Metallurg" (3:0), "So'g'diyona" (3:0), "Andijon" (1:0).  Uyda mag'lubiyatga uchramayotgan jamoalar qatoriga "Neftchi" (1 g'alaba, 2 durang), "Qizilqum" (1 g'alaba, 2 durang), "Bunyodkor" (2 durang) ham kiritish mumkin. O'z maydonida muxlislarini xursand qilish baxtini his qila olmayotgan 3ta jamoa qoldi. "Bunyodkor", "Buxoro", "Turon".