Sulsher: “Pogba yanvarda MYUni tark etmaydi”

Norvegiyalik murabbiyi, shuningdek, “Vulverxempton” forvardi Raul Ximenesga MYU tomonidan bo'layotgan qiziqish xaqida ham gapirdi.

“Pogba yanvarda hech qaerga ketmaydi. Ximenes haqida mish mishlar? Haqiqatan ham u yuksak saviyadagi futbolchi va uning faoliyatini MYU bilan bog'lashmoqda. Bu kabi mish mishlarga oydinlik kiritolmayman”, deya Sulsherning so'zlaridan iqtibos keltirmoqda BBC.

Joriy mavsumda Pol Pogba APLda 6 ta uchrashuvda maydonga tushib, ikkita golli uzatmani amalga oshirgan.

28 yoshli Ximenes esa ushbu mavsumda “Vulverxempton”da 27 ta uchrashuv o'tkazib, 11 ta gol urdi va 8 ta golga hammualliflik qildi.