Suhrob Berdiev: "Rahbariyat va muxlislar ishonchini oqlashga harakat qilamiz"
03 mar 2017 14:32
Yangiliklar

Suhrob Berdiev: "Rahbariyat va muxlislar ishonchini oqlashga harakat qilamiz"

Teglar : Qo'qon-1912 Suxrob Berdiev

Oliy liga 1-turidan o'rin olgan “Qo'qon-1912” – “Nasaf” o'yinidan oldin qo'qonliklar yarim himoyachisi Suhrob Berdiev o'z fikrlarini quyidagicha bayon qildi.

- Avvalo barchani yangi mavsum bilan tabriklayman. Kelayotgan mavsum oldidan jamoamiz o'z tarkibini ancha kuchaytirib oldi deb ayta olaman. Safimizga qo'shilgan barcha futbolchilar juda yaxshi tajribaga va mahoratga egalar.

Jamoamiz rahbariyati bizga barcha sharoitlarni muhayyo qilishmoqda. Endi faqat o'z o'yinimiz bilan rahbariyat va muxlislar ishonchini oqlash navbati keldi.

Dastlabki turda “Nasaf” jamoasini qabul qilamiz. Jamoadoshlarim faqat g'alaba uchun maydonga tushishlariga shak-shubha yo'q. Afsuski o'zim maydonga tusha olmayman. O'tgan mavsumning so'nggi turidagi qizil kartochka bunga halaqit beradi. Futbolchi uchun jamoasi o'yinini maydon tashqarisida tomosha qilishdan qiyini yo'q bo'lsa kerak. Lekin bizning jamoamizda teng kuchli futbolchilar jamlanishgan va men jamoadoshlarimga ishonaman, - deydi Berdiev.

"Qo'qon-1912" matbuot xizmati

Havola :

Manba : championat.asia

Yangiliklarni Telegramda o'qing!

Reyting: +4