Sud xodimlari, hakamlar, aktyorlar va jurnalistlar bir maydonda FOTO

Ushbu mini turnirda 4ta jamoa qatnashdi. Ravshan Ermatov boshchiligidagi oliy liga hakamlari jamoasi, Oliy sud xodimlaridan tashkil topgan jamoa, Aktyorlar va Milliy Olimpiya qo'mitasi xodimlaridan tashkil topgan jamoa hamda futbol jurnalistlari jamoasi g'oliblik uchun kurash olib bordi.

Oliy liga hakamlari jamoasi safida Ravshan Ermatov, SHuhrat Po'latov, Sayfiddin Ermatov va SHerzod Qosimov kabi hakamlarimiz o'ynashdi.

Olimpiya qo'mitasi jamoasi safida Alisher Uzoqov va SHerzod Bin kabi aktyorlar, shoir Botir Ergashev to'p tepdi.  

Barcha to'rt jamoa bir-biri bilan bir martadan o'ynadi. Dastlabki ikki turda raqiblarini mag'lub etgan Oliy sud va hakamlar jamoalari o'ziga xos final uchrashuvida maydonga tushishdi. Unda Oliy sud xodimlaridan tashkil topgan jamoa 2:1 hisobida zafar quchib turnir g'olibiga aylanishdi.

1-tur
Hakamlar - Aktyorlar va MOQ 3:0
Oliy sud - Jurnalistlar 3:0

2-tur
Oliy sud - Aktyorlar va MOQ  3:1
Hakamlar - Jurnalistlar 6:1

3-tur
Jurnalistlar - Aktyorlar va MOQ 3:1
Oliy sud - Hakamlar 2:1

Musobaqa so'nggida bunday turnirlar ananaviy tarzda o'tkazib olishga kelishib olindi.