"Spartak" "Tottenxem" futbolchisini xarid qilmoqchi

Bu haqda "Sky Sports" nashri xabar tarqatdi. Moskvalariklar rahbariyati "shporlar" bilan Orening transferi borasida kelishuvga erisha olishiga ishonadi. Avvalroq ivuarlik futbolchiga "Milan" qiziqish bildirgan, ammo jamoalar transfer shartlarini kelisha olishmagan edi. 

Eslatib o'tamiz, Serj Orening  "Tottenxem" bilan amaldagi shartnomasi 2022 yilning yoziga qadar mo'ljallangan. U London jamoasi tarkibiga 2017 yilda PSJdan 25 million evro evaziga kelib qo'shilgan edi. APLning o'tgan mavsumida 33 o'yin o'tkazgan fulbek 1 gol, 5 ta samarali uzatmani amalga oshirgan edi.