"So'g'diyona" Toshkentda yig'inni davom ettirmoqda. Tarkibga ikki nafar legioner, "Buxoro", "Dinamo" futbolchilari kelib qo'shildi

Jizzaxliklar bugun yig'in doirasidan o'rin olgan navbatdagi o'rtoqlik uchrashuvida maydonga tushishdi. Samarqandning "Dinamo" jamoasi raqiblik qilgan uchrashuvda Baqoev shogirdlarining qo'li baland keldi, 1:0. Yagona golga 90+2 daqiqada Nodirbek Qo'yboqov mualliflik qildi. Futbolchi Daniel Nasriddinovning uzatmasidan so'ng boshi bilan raqib darvozasini ishg'ol qildi. Murabbiylar shtabi bu bahsda ikki xil tarkibni sinovdan o'tkazdi. Ushbu uchrashuvda "So'g'diyona" tarkibida bir qator yangi futbolchilar harakat qildi. Xususan, o'tgan mavsumni "Buxoro"da o'tkazgan darvozabon Zafar Safoev, 2020 yilning ikkinchi davrasida ijara asosida "Dinamo"da to'p tepgan Oybek Nurmatov shuningdek, serbiyalik markaziy himoyachi Luka CHermel va koreyalik futbolchiga o'rtoqlik uchrashuvida imkoniyat taqdim etildi. 

Jamoa shu kunga qadar "Surxon", "Oq-tepa", "Andijon" jamoalari bilan o'rtoqlik o'yini o'tkazgan edi. Qishki transferlar oynasi vaqtida Milan Mitrovich, Sanat SHixov, Sanjar Rashidov, SHavkat Mullajonov kabi futbolchilar  klubni tark etishdi.

O'rtoqlik uchrashuvi. Toshkent

5 fevral (juma)

"Dinamo" - "So'g'diyona" - 0:1

Gol: Nodir Qo'yboqov, 90+2

"Dinamo": Farhod Rahmatov, Jasur Hasanov, Obid Jo'raboev, Komil SHarofutdinov, Islom SHaripov, Jamshid Hasanov, Oleg Marchuk, SHoxruh Abdurahmonov, Temur Hakimov, Sardor Eminov, Mixaylo Udod.

Zaxira: Siroj Meliev, Akmal Kozimov, Temur Usmonov, Faxriddin Alimov, Javlon Malikov. 

Foto: "Dinamo" matbuot xizmati