Brayan Riaskos: "Superliga – bir qaraganda oson, ammo aslida juda murakkab turnir"

"Avvalo, yosh bo'lishlariga qaramay, o'yinning boshidan oxirigacha juda kuchli xarakter ko'rsatgan "Olimpik-MobiUz" jamoasini etirof etmoqchiman. O'yin juda qiyin kechdi, ammo oxir-oqibat o'zimiz ko'zlagan natijaga erishdik.

Samarali ko'rsatkichlar qayd etayotganimdan va o'z o'yinimdan mamnunman. Shu vaqt davomida menga katta yordam bergan hamkasblarimga minnatdorchilik bildiraman va shunday davom etishni, ko'plab gollar urib, yanada ko'proq golli uzatmalar berishni xohlayman.

O'zbekiston futbolini yaxshi baholayman, barcha jamoalar kuchli, Superliga esa qiyin musobaqa. Bir qaraganda, oson ko'rinishi mumkin, ammo aslida juda murakkab turnir hisoblanadi", -deydi Brayan Riaskos.