“So'g'diyona”: "Buxoro" bilan o'rtoqlik o'yini bo'lib o'tadi va boshqa xabarlar…

Aleksandr Mochinov boshchiligidagi jamoa har kuni ikki mahal mashg'ulot olib bormoqda. Ertalabki mashg'ulot asosan futbolchilarning jismoniy holatini yaxshilashga qaratilgan holda o'tkazilmoqda. Unda futbolchilar trenajyor zallarida va suniy qoplamali maydonlarda mashg'ulotlarni olib borishmoqda.

Kechgi mashg'ulotlar davomida futbolchilar to'plar bilan mashqlar bajarish turli xil o'yin  taktikalarni amalda sinab ko'rmoqda. Nazariy darslarda murabbiylar shtabi tomonidan dunyoning kuchli jamoalari ishtirokidagi o'yinlar lavhalari namoyish etilib futbolchilarga o'yinning qay paytida qanday harakat qilish borasida batafsil tushunchalar berilayapti.

Avvalgi xabarlarda "So'g'diyona" 25 yanvarda “Paxtakor”, 28 yanvarda “Navbahor”,  5 fevralda “Qizilqum”  jamoalari bilan o'rtoqlik uchrashuvlari o'tkazilishi xaqida xabar bergan edik. Jamoa murabbiylar shtabi bugun yana bir jamoa bilan o'rtoqlik uchrashuvini o'tkazishni qaror qildi. Sparrning raqib sifatida “Buxoro” jamoasi tanlandi. Bellashuv 1 fevral kuni bo'lib o'tishi rejalashtirilgan.

Toshkentdagi yig'inga bir nechta futbolchilarni kelib qo'shilgani haqida aytib o'tish lozim. “Neftchi” jamoasida ajoyib o'yinlarni o'tkazgan SHerzod Xakimov, “Navbahor” dan Murod Rajabov, 2015 yilda jamoa safida harakat qilgan Izzat G'aniev, “Dinamo”dan  SHoxrux Holmatov va “Buxoro” jamoasida ajoyib mavsum o'tkazgan ammo jarohati sabab bir muddat futboldan tashqarida bo'lgan darvozabon Sardor Qobuljonov ayni paytda jamoa bilan mashg'ulotlarni olib bormoqdalar.

Jamoa murabbiylar  shtabiga yana bir murabbiy kelib qo'shildi. “Metallurg”  jamoasida yordamchi murabbiy bo'lib faoliyat olib borgan Mikola SHevchenko endilikda bosh murabbiy Aleksandr Mochinovga yordam beradi.

Yig'in davomida bir nechta futbolchilar ham ko'rikdan o'tmoqda. Rossiyaning CSKA va “Dinamo”  klublarining yoshlar ligasida to'p so'rgan Sergey Evtushenko jamoa bilan yig'in olib bordi ammo ayrim sabablarga sabablarga ko'ra  yosh iqtidor egasi jamoa lagerini tark edi.