Skolari: "O'zbekistonga faqat pullar uchun bormaganman"

Quyida uning O'zbekistonga taalluqli joyini taqdim etamiz.


- Braziliyalik futbolchilar Osiyo klubiga o'tishsa demak faoliyatlarini yakunlashayotgan va pul ishlab olish niyatida bo'lishadi. Siz ham O'zbekistonda ishlagansiz. Pul siz uchun ham birinchi o'rinda edimi?

- Yo'q umuman. Pullar – O'zbekistonga borishimning yagona maqsad emasdi. Evropada ham kam topmayotgandim. Top-klublarda doim bosim ostida bo'lasiz, u erda esa biroz engilroq edi va boshqa ishlarni ham qilish imkoni bor edi. Bunyodkorga faqat murabbiy sifatida emas boshqa maqsadda ham chaqirishgandi. Klub rivojlanish bosqichida edi, infrastruktura, yoshlarni tayyorlash va boshqalarda o'z hissamni qo'shishni juda istagandim.

- O'zbekistonda futbolga aloqador bo'lmagan eng yorqin voqealarni aytib bering.

- Avvalo, u erdagi odamlar menga juda yoqqandi – ochiq va juda mehmondo'st. Mamlakatda futbolga etibor juda yuqori. Agar mahalliy hukumat infrastruktura, talim, tibbiyot, telekommunikaciya, transport tizimiga xuddi shunday etiborda bo'laversa O'zbekistonni yuksak kelajak kutmoqda. Ko'plab shaharlarda bo'lganman. To'g'risi jamoa bilan safar o'yinlariga borganimda shahar aylanishga vaqtim doim ham bo'lavermagan. Biroq Samarqandga turist sifatida borganman. Ushbu shaharning go'zalligini ko'rib lol qolganman – xuddi sharqona ertakka tushib qolgandek edim!