SHuhrat Qurbonov: "Sizda noto'g'ri malumot. Bizda bosh murabbiy bor"

O'yin haqida

- Biz uchun og'ir o'yin bo'ldi. "SHo'rtan" yaxshi jamoa ekan. Bizda qizil kartochka bo'lib qoldi. SHu ham o'yin natijasiga tasir ko'rsatdi deb o'ylayman.

- Birinchi gol ijtimoiy tarmoqlarda super gol sifatida baholanayapti. Bu vaziyatda darvozabonning aybi bormi yoki himoyachilar xato qildimi?

- Bu vaziyatda bir kishini ayblash noto'g'ri. Hujumchi noto'g'ri joy tanlab to'pni ololmay qoldi. Darvozabon bunaqa zarbani kutmagandi. Har doim vaziyatlarga tayyor turish kerak. Bu gol uchun aniq kimdir aybdor demagan bo'lardim.

- Darvozabon Jamoliddin Hikmatov qizil kartochka olgach, nimalarni o'zgartirishga majbur bo'ldingiz?

- Bir kishi kam bo'lib qolgach, raqibda hujum qilish uchun ko'proq bo'sh xududlar paydo bo'ldi. Hisobni tenglashtirish uchun oldinga o'tdik, lekin bir kishi kam bo'lganimiz baribir o'z tasirini ko'rsatdi.

- "Do'stlik"da bosh murabbiy masalasi qachon hal bo'ladi?

- Sizda noto'g'ri malumot. Bizda bosh murabbiy bor. Oilaviy sabab tufayli safar o'yinlariga hozircha kela olmayapti.

- "Do'stlik"ning salbiy natijalariga nima sabab deb o'ylaysiz?

- O'tgan turda ham aytib o'tgandim, bizning mashg'ulotlar suniy qoplamali maydonda kechayapti. SHu sabab bo'lishi ham mumkin. Murabbiylar shtabi mag'lubiyatli o'yinlardan keyin futbolchilarga ishonch va ruhiyat berishga harakat qilamiz.