SHuhrat Maqsudov: "Durangdan qoniqdik"

- O'yin haqida

-  Avvalo, Oybek Rustamovning bugungi tavallud ayyomi bilan tabriklayman va eng yaxshi tilaklarimni bildirib qolaman. O'yinga keladigan bo'lsak, bahs mana shunday o'tishini taxmin qilgan edik. Qo'qonda oson o'yin bo'lmaydi. "Qo'qon-1912" jamoasi hurmatga loyiq jamoa. O'ylaymanki, o'yin muxlislarga yoqdi. Uzoq yo'l bosib kelgan muxlislarimizga minnatdorchilik bildiraman.

- Bugungi durangdan qoniqdingizmi?   

- Bilasizmi, yuqorida aytib o'tganimdek, Qo'qonda hech bir jamoaga oson bo'lmaydi. O'ylaymanki, albatta, durangdan qoniqdik. Afsuski, qulay imkoniyatlardan foydalana olmadik. 

- Hal qiluvchi zarbalarni yo'llaydigan o'yinchi topilmayapti. Buni ustida ishlanyaptimi? Keyin Ibrohim Tomivaning yo'qligi bilindimi? 

- To'g'ri savol berdingiz. Har bir futbolchining o'z o'rni bor, biroq bir futbolchiga qarab qolish yaxshi emas. Mana bugun Mirjahon Mirahmadov o'ynadi. Menimcha, u o'z vazifasini yaxshi udalladi, ozroq omad kelmadi. 

- Juda ko'p vaziyatlarda hakamlarning qaroridan norozi bo'ldingiz. Ular haqida nima deya olasiz?

- Hakamlar haqida gapirmagan bo'lardim, chunki hakamlarni nazorat qiladigan qo'mita bor. SHu bois hakamlar to'g'risida hech narsa deya olmayman.