SHuhrat Maqsudov: "Avstraliyaga avval gol urmagan bo'lsak, ertaga bu ananaga chek qo'yamiz"
22 jan 2024 18:21
Yangiliklar

SHuhrat Maqsudov: "Avstraliyaga avval gol urmagan bo'lsak, ertaga bu ananaga chek qo'yamiz"

O'zbekiston terma jamoasi sobiq futbolchisi, murabbiyi SHuhrat Maqsudov Avstraliyaga qarshi uchrashuv oldidan o'z fikrlarini bildirdi.

Australia

Martin Boyle - 45'

Asian Cup Grp. B . 3-tur

23/01/2024, 16:30

Tugadi

Uzbekistan

Azizbek Turgunbaev - 78'

Stadion: Al Janoub Stadium, 15290 tomoshabin

45'

90'

Match-senterda ochish

"O'zbekiston terma jamoasi yaxshi taassurot qoldiryapti. Guruhdagi 2ta o'yinda jamoamiz yutqazgani yo'q va o'z darvozasi daxlsizligini saqlab qola oldi. Avstraliya bu safargi to'qnashuv avvalgilaridan farq qiladi, deya olaman. 2011 yil biz o'ynagan Avstraliya bilan hozirgisi o'rtasida tafovut katta. O'sha vaqtdagi futbolchilarning aksariyati Evropada to'p tepardi. Ayni paytda ularda avlodlar almashinuvi ro'y bergan, jamoa yoshartirilgan. Bo'lajak o'yinda nasib qilsa, terma jamoamiz g'alaba qozonishiga ishonaman va omad tilayman.

O'zbekiston terma jamoasining ham Avstraliya kabi tarkibi ancha yosh. Umuman olganda yigitlar musobaqaga yaxshi tayyorgarlik ko'rishdi. Buning uchun O'FAga rahmat aytib o'tishimiz kerak. SHaroitlar yaratib berildi. Kuchli raqiblar bilan o'yinlar tashkil qilib berildi. Bu o'z so'zini aytadi, deb o'ylayman. 2011 yil ham Osiyo Kubogiga hozirlik jarayonida kuchli terma jamoalar bilan o'rtoqlik uchrashuvlarida maydonga tushganmiz va bu yakunda o'z samarasini bergan.

SHu paytgacha Avstraliya darvozasiga gol urmaganmiz. Ertaga futbolchilar bu ananaga chek qo'yishadi. Gol urib g'alabani o'zimizniki qilamiz. Futbolchilarga, terma jamoamizga omad yor bo'lsin, deb qolaman",- deydi SHuhrat Maqsudov.

Abdulaziz Iskandarov yozib oldi

Havola :

Manba : championat.asia

Yangiliklarni Telegramda o'qing!

Reyting: +3