SHota Arveladze rasman lavozimini tark etdi va shunday dedi: "Paxtakor"dan ketyapman, lekin jamoa muxlisi bo'lib qolaman"

Qo'yilgan postda shunday deyiladi: "Uch yil o'tdi. Bugun men "Paxtakor" bosh murabbiyligidan ketdim. O'tkazilgan ajoyib, muvaffaqiyatli, chiroyli va qiziqarli 3 yil o'tdi. Muxlislarga, jamoaga, futbolchilarga, boshqa bizni qo'llab-quvvatlab kelgan barchaga minnatdorchilik bildiraman. Bobur SHodiev, Ulug'bek Muhamedov, Dmitriy Adisman va "Paxtakor"ga jamoani boshqarish imkoniyatini taqdim etishgani uchun alohida tashakkur aytaman. Jamoaga yoshlarni jalb etishga intildik, o'yin uslubini o'zgartirdik. Klubga kelajakda ham muvaffaqiyatli odimini davom ettirishini va doimo kuchli bo'lib qolishini tilayman. Men endi jamoa bosh murabbiyi emasman, lekin doimo "Paxtakor" muxlisi bo'lib qolaman. Faoliyatimdagi ushbu sahifa menga katta tajriba berdi va O'zbekistondagi hayotim ajoyib tarzda o'tdi. Biz juda zo'r jamoa bo'ldik va men buni hech qachon unutmayman", deb yozadi xayrlashuv maktubini Arveladze.

SHu o'rinda saytimiz orqali SHota Arveladzeni "Paxtakor"dan ketayotgani haqida kecha xabar bergandik. "Championat.asia" malumotlariga ko'ra, SHota Arveladzening oldida Osiyo va Evropadan qator takliflar mavjud. Xususan Xitoy, Qatar, BAA va Turkiya klublari Arveladzening xizmatiga qiziqish bildirmoqda. Gruziyalik mutaxassis aynan qaysi jamoa taklifini ko'rib chiqishi va kimning foydasiga qaror chiqarishi nomalum.

"Paxtakor"dan ketishi esa mazkur takliflar tufayli yuz kelmaganligi aytilmoqda. Zero Arveladzening oldida doimo takliflar bo'lgan va gruziyalik mutaxassis har gal "Paxtakor"da qolishni afzal bilgandi.

SHota Arveladze "Paxtakor"ga yozgan maktubida aynan nima uchun jamoada qolmagani haqida to'xtalmagan.