SHomurodov guruh bosqichidagi barcha o'yinlarda gol urgan yagona futbolchi
17 jan 2019 19:26
Yangiliklar
![](https://championat.asia/upload/storage/472915_original.jpg)
![](/upload/storage/472915_220.jpg)
SHomurodov guruh bosqichidagi barcha o'yinlarda gol urgan yagona futbolchi
SHu tariqa O'zbekiston terma jamoasi hujumchisi Eldor SHomurodov guruh bosqichidagi barcha o'yinlarda o'z nomini tabloga yozdirib qo'ygan ilk va hozircha yagona futbolchiga aylandi.
Eslatib o'tamiz, Eldor SHomurodov Osiyo Kubogining birinchi turida zaxiradan maydonga tushib, vakillarimizga Ummon ustidan qozonilgan g'alabani taqdim etuvchi golga mualliflik qilgandi. Ikkinchi turda esa Turkmaniston bilan bo'lgan bahsda SHomurodov dublni rasmiylashtirgan. Bugun esa Yaponiya darvozasini ishg'ol etishni uddasidan chiqdi.
Ayni paytda davom etayotgan "F" guruhining uchinchi turidan o'rin olgan Yaponiya - O'zbekiston uchrashuvida birinchi bo'lim tugagan - 1:1.
Eldor SHomurodovning goliga Yaponiyadan Yoshinori Muto javob to'pini yo'lladi.
"Mashal" akademiyasi tarbiyalanuvchisi hisoblangan hujumchi ayni paytda 4 gol bilan Osiyo Kubogi to'purarlar poygasida ikkinchi o'rinda bormoqda. Peshqadam bo'lgan Qatar terma jamoasi futbolchisi Almoez Ali hisobida 5 gol mavjud.
FAKT: Eldor SHomurodov Osiyo Kubogidagi debyut ishtirokidayoq O'zbekiston terma jamoasining qita chempionatlari tarixidagi eng yaxshi to'purarlari Odil Ahmedov va Maksim SHackixga etib oldi. Va bitta musobaqada 4ta gol urgan ilk o'zbekistonlikka futbolchiga aylandi. O'zbekiston terma jamoasining Osiyo kuboklari tarixidagi eng yaxshi to'purari Aleksandr Geynrix hisobida 6ta gol mavjud.
O’xshash yangiliklar
![AMP Logo](https://championat.asia/image/logo-amp.png)
Fikrlar