"SHerif" ustozi: "MYU bilan o'yinda diqqat-etiborimizni bir erga jamlasak, yaxshi natijaga erishamiz"
15 sen 2022 17:30
Yangiliklar
![](https://championat.asia/upload/storage/717435_original.jpg)
![](/upload/storage/717435_220.jpg)
"SHerif" ustozi: "MYU bilan o'yinda diqqat-etiborimizni bir erga jamlasak, yaxshi natijaga erishamiz"
Xorvatiyalik mutaxassis o'z jamoasiga qarshi to'qnashuvda "Yunayted" hujumchisi Krishtianu Ronaldu asosiy tarkibda maydonga tushishini afzal ko'rishini aytdi.
"Manchester Yunayted"da eng yaxshi futbolchilar yig'ilishgan. Ularda Reshford yoki Ronaldu, Elanga yoki Antoni maydonga tushishi mumkin – ularning barchasi yuqori saviyadagi futbolchilar. SHuning uchun biz uchun aynan kim maydonga tushishi muhim emas. Reshford ham, Ronaldu ham juda xavfli. Ronaldu o'ynasa, biz uchun yaxshiroq bo'lardi, chunki futbolchilarimiz bor etiborni unga qaratishlari mumkin bo'lardi.
Erik ten Xag va men bir xil vaziyatda edik. Ikkimiz ham klublarimizga shu yozda qo'shilgandik. Ammo ten Hagda bir yil oldingi kabi o'yinchilar bor edi. Biz esa yangi kelganlar ko'p bo'lgan yangi jamoaga ega bo'ldik va bu juda qiyin jarayon edi. Biroq biz muvaffaqiyatga erishdik, endi biz shu erdamiz va "Manchester Yunayted" bilan o'ynaymiz. Demak, ertaga diqqat-etiborimizni bir erga jamlasak, yaxshi natijaga erishamiz.
Biz qanday taktikani tanlaymiz – himoyaviy yoki hujumkor? "Manchester Yunayted" – yuqori pressing qo'llaydigan jamoa, shuning uchun ularga qarshi o'ynaganingizda orqada ko'p bo'sh joy qoldirish xavfli. Biz intizomli, ixcham va tajovuzkor o'ynashimiz kerak. To'p bizda bo'lganda, qarshi hujumlar tashkil qilishimiz lozim. O'z imkoniyatlarimizdan unumli foydalanib, standartlarda yaxshi o'ynashimiz kerak. Agar hammasini to'g'ri bajarsak, ijobiy natijani qo'lga kiritamiz", – dedi Tomas.
Eslatib o'tamiz, "E" guruhi 2-turi doirasidagi "SHerif" – MYU bellashuvi bugun Toshkent vaqti bilan 21:45 da boshlanadi.
O’xshash yangiliklar
![AMP Logo](https://championat.asia/image/logo-amp.png)
Fikrlar