SHerali Jo'raev: "Imkon bo'lsa o'zimni xorijda sinab ko'rardim"

- Ikkinchi davraga qanday tayyorgarlik ko'rayapsizlar?
- Davralar oralig'ida dastlab poytaxt viloyatining "Bildirsoy" sog'lomlashtirish oromgohida yig'in o'tkazdik. So'ngra Toshkentda shug'ullandik va bir nechta o'rtoqlik uchrashuvlarini o'tkazdik. Ertadan yig'inimiz Navoiy shahriga ko'chadi. Futbolchilar ikkinchi davraga qizg'in tayyorgarlik ko'rishmoqda.

- Ikkinchi davra oldidan boshqa jamoalardan taklif bo'lmadimi?
- O'zimizning 2-3 klubdan chorlovlar bo'ldi. Lekin ularni nomini ayta olmayman. "Qizilqum"dan ketishni istamadim. Sababi niyatim o'zimni xorijda sinab ko'rish. Agar chetdan yaxshi taklif bo'lsa faoliyatimni o'sha klubda davom ettirardim. Buning uchun avvalo yaxshi agent va taklif bo'lishi kerak. Ayni paytda esa men "Qizilqum" futbolchisiman. Ikkinchi davraga hozirlik ko'rayapman.

- Hozirga qadar hech qaysi futbol agenti bilan hamkorlik qilmaganmisiz?
- Yo'q. SHu paytgacha agentlar bilan ishlamaganman.