SHerali Babakulov: "Yaratilgan vaziyatlardan foydalana olmadik"

Uchrashuvdan so'ng mezbonlar bosh murabbiyi SHerali Babakulov o'z fikrlari bilan o'rtoqlashdi.

O'yindan olgan taassurotlari xususida

"O'yinni juda yaxshi boshladik, tezkor gol bilan hisobda oldinga chiqib oldik. Umuman olganda, butun bahs davomida o'yinni nazorat qilib bordik. Hisob yanada yirik bo'lishi ham mumkin edi. Yaratilgan vaziyatlarimizdan foydalana olmadik.

G'alabani saqlash qolish haqida

"Hisob 2:0 bo'lib turgan vaqtda zaxirada qolib ketayotgan qizlarimizni maydonga tushirdik. CHunki barchaga imkoniyat taqdim qilishimiz lozim edi. Tarkibda o'zgarishlar bo'lganidan keyin mehmonlar oradagi farqni qisqartirdi. SHu vaqtda g'alabani saqlab qolishga urindik.

Jamoa o'yinida yuzaga kelgan kamchiliklar borasida

"O'yin davomida kamchiliklar kuzatildi. Birinchi navbatda yaratilgan vaziyatlardan foydalana olmadik. Bu borada mashg'ulotlarda ishlab, xatolarni kamaytirishga etibor qaratamiz. Aslida jamoamiz qizlari gollar urishi juda yaxshi biladi. "Metallurg-W"ga qarshi bahsda 99-gollarni urdik.

Avvalgi turda "Bunyodkor-W" mag'lubiyatga uchraganimiz ham ruhiy tomondan o'z tasirini o'tkazdi. Keyingi o'yinlarda bu kabi xato va kamchiliklarni bartaraf etishga harakat qilamiz.