SHahboz Beg'amov: "Bugungi favorit – "Navbahor"

"Namangandagi o'yinda favorit aniq. Lekin men bu o'yindan penaltilar seriyasini kutyapman. Bunday atmosfera va haroratdagi to'qnashuvga penaltilar seriyasi etishmayapti xolos.

Har ikkala jamoada o'tgan galgi o'yinga nisbatan minimal o'zgarishlar bo'ladi. "Navbahor"da Kasyanni asosiy tarkibda Marushich almashtirsa, "Paxtakor"da Turg'unboev va balki Martinovichni ham bugun asosiy tarkibda ko'rmasak kerak.

Aliboev esa diskvalifikaciyadan qaytsa, Hamdamov ham bugun o'yinni boshlang'ichda boshlashi mumkin.

Xullas, 120 daqiqalik o'yin va penaltilar seriyasi bo'lishini kutamiz.

Ko'pchilik "favorit kim ekan?" degan savol bilan murojaat qilayotgani uchun javob beraman. Birinchi o'yindan keyingi xulosamdan kelib chiqib aytaman, bugungi favorit – "Navbahor".

Lekin o'sha gap, men penaltilar seriyasi ishqiboziman va bugungi ajoyib atmosferaga 120 daqiqalik "jang" va g'olibni aniqlash uchun "lotereya"ga murojaat qilishlarini istardim", – deyiladi postda.