Servar Jeparov: "Tojikiston bilan ikkinchi uchrashuvda o'zimizga o'xshadik"

Vakillarimiz kecha tojikistonlik tengqurlariga qarshi ikkinchi o'rtoqlik uchrashuvida maydonga tushishdi. Qiziqarli kechgan bahsda hamyurtlarimiz 2:1 hisobidagi g'alabani tantana qildi. Ushbu uchrashuvdan so'ng terma jamoamiz bosh murabbiyi Server Jeparov fikrlari bilan o'rtoqlashdi. 

"Mazkur bellashuvda g'alabani o'z tomonimizga og'dira oldik. Birinchi uchrashuvga qaraganda yaxshiroq o'ynaganimizni takidlash joiz. Bolalar himoyada kamroq xatolarga yo'l qo'yishdi. Qaysidir manoda o'zimizga o'xshadik. Tojikiston bilan birinchi uchrashuvdan so'ng xatolar ustida ishladik. Futbolchilarga borlarini berishlari uchun rahmat aytaman. Ular berilgan vazifani yaxshi uddalashdi. Albatta ishlashimiz kerak bo'lgan ayrim jihatlar yo'q emas. Deylik turli zonalarda to'pni nazorat qilishda oqsayapmiz. Tashkilotchilik shunchaki zo'r bo'ldi. Xalqaro o'yinda maydonga chiqish katta tajriba beradi. Keyingi rejalarimiz saralash bahslariga puxta tayyorgarlik ko'rish",- deydi Server Jeparov.