Sergey Tumasyan: ”Metallurg” bemalol bronza medallari uchun kurasha oladi"

Bir necha kun oldin jamoani sakkiz nafar futbolchi tark etgani haqida xabar bergan edik. Aftidan o'tgan mavsum harakat qilgan rossiyalik Sergey Tumasyan ham bekobodliklar bilan xayrlashgan ko'rinadi. Buni klub matbuot hizmati ham tasdiqladi. Barchasiga oydinlik kiritish maqsadida futbolchi bilan bog'landik.

- “Metallurg” yangi mavsumga hozirlik ko'rmoqda. Tarkibda ham o'zgarishlar etarlicha. Biroq, dastlabki yig'inda siz ko'rinish bermadingiz...
- Ha. Hozirda jamoa bilan birga emasman. Bu haqiqat. Mavsum nihoyasiga etgach yurtimga jo'nab ketdim. Rostovda istiqomat qilmoqdaman. Oilam davrasida hordiq chiqaryapman. Futbolchi vaqtida dam olishni bilishi lozim. Jamoani iliq xotiralar bilan tark etdim.

- O'tgan yilgi faoliyatingizda ilk bor O'zbekiston chempionatida to'p tepdingiz. Taassurotlar qanday bo'ldi?
- Mavsumni yaxshi yakunlab oldik. Kuchli beshlikdan joy oldik. Lekin, doim bundan ko'prog'iga intilishimiz kerak. Agarda jamoa o'tgan mavsumda to'p tepgan futbolchilarini, umumiy qilib aytganda o'zagini saqlab qolsa bemalol bronza medallari uchun kurasha oladi. Ichki chempionat bahslari menga manzur keldi. Bu erda ishqibozlar futbolni sevishadi. Men “Metallurg” jamoasi muxlislariga va xodimlariga alohida minnatdorchilik bildiraman.

- Klubdagi sharoitlar sizni qoniqtirdimi?
- Mashg'ulot o'tkazish va o'yinga tayyorgarlik ko'rish uchun yaxshi sharoitlar yaratib berildi.

Abdulaziz Iskandarov suhbatlashdi