Sergey Lushchan: "Akrom Komilov juda mehnatkash bola, ammo qiziqqon. Bunchalik mehnatkash yigitlar kam"
28 fev 2017 20:48
Yangiliklar
![](https://championat.asia/upload/storage/242403_original.jpg)
![](/upload/storage/242403_220.jpg)
Sergey Lushchan: "Akrom Komilov juda mehnatkash bola, ammo qiziqqon. Bunchalik mehnatkash yigitlar kam"
"Bugun kelgan muxlislarga rahmat aytaman. Yutqazayotganimizda ham bizni qo'llab turishganidan xursandmiz. Ular yutishdi, demak ayni paytda ular kuchliroq ekan. Biz 2:3 hisobida yutqazdik", - deydi Sergey Lushchan.
- Akrom Komilovda bunday vaziyat birinchi marta emas. O'yindan oldin futbolchilarga uchrashuv ahamiyatini tushuntirmaysizlarmi? Qachon ular katta bo'lishadi?
- To'g'ri birinchi marta emas. U o'smirlar va yoshlar terma jamoalarida ham qizil olgan. Bu uning eng nozik nuqtasi. Uning jahli chiqsa aqli ketadi. Juda tirishqoq yigit, mehnatkash futbolchi. U o'z ustida ishlashda tinmaydi. Akromga jazo berishimiz mumkin, ammo bundan foyda bo'ladi deb o'ylamayman. Hozir kiyim almashtirish xonasiga bordik, u erda Komilov yo'q. Uni qidirishga odam yubordim. Uning uchun xavotirdaman. Komilov juda yaxshi o'yinchi, shunchaki biroz qiziqqonroq.
- Tezkor gollar rejaga qanchalik tasir qildi?
- Bugun tez o'tkazgan goldan so'ng yigitlar qo'llarini tushurishmadi. Hujum qildik va gol urdik, afsuski raqib yana gol urdi.
- "Bunyodkor" OCHLda guruh bosqichida 14ta o'yindan buyon yuta olmayapti. Jamoada g'oliblik ruhiyati bormi?
- Albatta. Bugun yigitlar so'nggi daqiqalarda 10 kishi bo'lib hujumga o'tishdi. Demak jamoada g'oliblik ruhiyati bor. Menga katta pul beringlar va Messi bilan OCHLda g'olib chiqishim mumkin.
- Sardor Rashidovning intervyusini o'qidingizmi. U sizni professional emas deb atadi?
- Yo'q, men "sariq matbuot"ni o'qimayman. Sardor shunday degan bo'lsa mayli. Barchasi uning vijdoniga havola.
- Jamoa o'z tarbiyalanuvchilaridan etakchini tayyorlasa bo'lmaydimi?
- Bizda shunday yigitlar bor. Masalan, Nurillo To'xtasinov kelajakda shunday bo'lishi mumkin. Ammo bizda hozir pleymeyker yo'q buni tan olaman.
- Jamoa ikki o'yinda 5ta gol o'tkazdi. Bu ko'p emasmi?
- Ko'p, albatta. O'zbekiston chempionati uchun ko'p, ammo OCHL uchun normal holat deb bilaman. Bugun qaysidir jamoa 6ta gol o'tkazibdi. U erda ham fojia bo'lsa kerak.
Narzulla Saydullaev
O’xshash yangiliklar
![AMP Logo](https://championat.asia/image/logo-amp.png)
Fikrlar