Sergey Kovshov: "Bizning vazifamiz umuman boshqa, "Lokomotiv"ning maqsadi butkul boshqa"

"Bizning vazifamiz umuman boshqa, "Lokomotiv"ning maqsadi butkul boshqa. Biz oliy ligada qolmoqchimiz, ular chempionlik uchun kurashishmoqda. Bunday o'yinda ochko olishimiz mumkin edi. Hozirgi vaqtda har bir ochko juda muhim. To'g'ri bugun sifatli o'yin ko'rsatmadik, ammo oxirigacha kurashdik. Jamoada g'alabaga bo'lgan kurashuvchanlik borligi quvontirdi. "Lokomotiv" bidan klass borasida ancha yuqori. Ammo o'yin borasida ularga ko'p ham yutqazmadik. Azamov jarohatidan yaqinda qutuldi, shu bois tanaffusga yaqin almashtirdim.

"Navbahor"ga qarshi o'yin ham qiyin bo'ladi. Biz har bir o'yinga shunday chanchoqlik bilan tushamiz. Bugun o'yin borasida futbolchilarga hech qanday etirozim yo'q. Hakamlar haqida gapirmoqchi emasman. Rasul Rahmonov va Lochin Soliev jarohatlarini davolashmoqda. Hozircha mashg'ulotlarga ham qaytishmagan. Ular mavsumning so'nggi o'yinlarida maydonga qaytishlariga umid qilamiz", - deydi Kovshov.