Sekeyra Portugaliya nashriga: "O'zbekistonga ancha moslashib oldim"

"Bizda hammasi yaxshi, ketma-ket oltita g'alabaga erishdik va so'nggi sakkizta o'yinda yutqazmadik. CHempionatda 4-o'rinda bormoqdamiz, shuningdek Kubokda ham ishtirok etyapmiz. Seshanba kuni muhim o'yinimiz bor ["Metallurg"ga qarshi o'yin], agar shunda g'alaba qozonsak, jadvalda ancha yuqorilab olamiz.

Aslida umuman boshqacha, juda agressiv futbol, juda ham Sovet Ittifoqi uslubiga o'xshaydi, hakamlar bizning kriteriyalardan foydalanmaydi, ular juda yuqori agressivlikka ham chidashadi. Hatto o'yinchilarimdan biri oyog'ini shikastlab olgan bo'lsa ham, raqib ogohlantirish ham olmadi. Ularning murabbiyi esa o'yinchining tezroq chiqib ketishini aytdi, sababi yutqazayotgan edi, o'yinchim esa zambilda maydonni tark etdi. Bunaqasini oldin ko'rgan emasman! Hakamlar esa o'yinni davom ettirishga ruhsat berishadi.

Boshida taktik jihatdan ham, madaniy jihatdan ham qiyin bo'ldi. Ikkita o'yinda yutqazdim, ilk o'yinda esa birinchi daqiqanoq gol o'tkazib yubordik. Bu juda qiyin bo'ldi, bundan tashqari shaxsiy sabablarga ko'ra eng yaxshi o'yinchim yo'q edi. Hozir ancha moslashib oldim, o'yinchilar ham mening g'oyalarimga ko'nikishdi.

Saudiya Arabistonida bo'lganim uchun menda "madaniy shok" bo'lmadi. Ha, albatta, qiyin paytlar bo'ladi, hozir Ramazon oyi, barcha jiddiy tarzda bunga amal qilmoqda. Ular eyishmaydi va ichishmaydi, shu bilan birga juda yuqori haroratda, masalan 36 gradusda o'ynashadi.

SHahar fantastik, to'la evropacha, mamlakat juda boy, unda imkoniyatlar katta va o'smoqda, u 4-5 yildan so'ng osongina katta darajaga erishishi mumkin. Bu Rossiyadan boshlanib, boshqachalarga yaqinlashayotgan mamlakatdir", - deydi Sekeyra.