Saudiya Arabistoni chempionati o'yinlarini "Setanta Sports"da tomosha qiling!

 11 avgust kunidan boshlanadigan Saudiya Pro-ligasi uchrashuvlari ilk bor O'zbekiston hududida rasman olib ko'rsatiladi. Klublarimiz Osiyo CHempionlar Ligasida Saudiya Arabistoni jamoalari bilan tez-tez to'qnash keladi. SHuningdek, futbol yulduzlarining tashrifi sababli jahonning ko'plab davlatlarida ushbu ligaga bo'lgan qiziqish sezilarli darajada ortdi. 2030 yilgacha Saudiya Arabistoni hukumati rejasiga ko'ra, transferlar uchun 20 milliard AQSH dollaridan ortiq mablag' sarflanishi ko'zda tutilgan. Ayni paytda Krishtianu Ronaldu, Karim Benzema, Sadio Mane, Marselo Brozovich, Ngolo Kante, Fabino, Malkom, Sergey Milinkovich-Savich, Kalidu Kulibali, Riyod Mahrez, Roberto Firmino, Ever Banega, Eduard Mendi singari futbol yulduzlari o'yinlarini setantasports.com onlayn pullik platformasida tomosha qilish imkoniyatiga ega bo'lasiz. Hamyurtimiz Jaloliddin Masharipov ham hozircha ushbu chempionatda faoliyatini davom ettirmoqda. Har tur doirasida “Al Nassr” ishtirokidagi uchrashuv va yana ikki boshqa bellashuv taqdim etiladi.

“Setanta Sports”da Saudiya Arabistoni Pro-ligasidagi yulduzlarga boy o'yinlarga yaqinroq bo'ling!

“SETANTA SPORTS” “UZTELEKOM” TV PLATFORMASIGA QO'SHILDI

“Uztelekom” o'zbek milliy operatori pullik TV xizmatlari ko'rsatadigan “TelecomTV” platformasiga “Setanta Sports” telekanalini qo'shganini elon qildi. Yanvar oyida “Uztelekom” ikki pullik platforma – “TelecomTV” va “MediaBox”ni ishga tushirgandi. Ushbu xizmatlardan turli qurilmalar yordamida bir vaqtda foydalanish imkoniyati mavjud. Xizmat qo'shimcha tarmoq va uyali aloqa xizmatlari orqali taqdim etiladi. Endilikda “TelecomTV”da “Setanta Sports”ni tomosha qilishingiz mumkin.