Sardor Rashidov: "Muxlislarning olqishi bizga katta kuch bag'ishladi"

"Qiyin o'yin bo'ldi. KXDR kuchli va xavfli raqib sanaladi. Biz ulardan avvalgi o'yin uchun ham alamni oldik va muhim g'alabaga erishdik. Murabbiylar shtabi KXDR terma jamoasining kuchli va kuchsiz taraflari haqida etarli malumotlarni berishgandi. Murabbiylarimizning to'g'ri ko'rsatmalari tufayli ham bugun yutuqqa erishdik. Stadionga tashrif buyurgan barcha muxlislarga rahmat. Bugun ularning qo'llab-quvvatlab turganliklari bizga katta kuch bag'ishladi. Tezkor gol o'tkazib yuborganimiz biz uchun kutilmagan hol bo'ldi. Lekin shunga qaramay o'yinni o'z tomonimizga og'dirib keta oldik. Keyingi uchrashuvlarda ham g'alabalarni qo'lga kiritib, o'z maqsadlarimiz sari olg'a intilishda davom etishimiz lozim", - deydi Sardor Rashidov.