Sardor Rahmonov: "Aleksey Evstafeevga imkoniyat bermadik..."
26 may 2022 20:41
Yangiliklar

Sardor Rahmonov: "Aleksey Evstafeevga imkoniyat bermadik..."

AGMK himoyachisi, 2011 yil Meksikadagi o'smirlar o'rtasidagi Jahon chempionati ishtirokchisi Sardor Rahmonov yaqinda saytimiz mehmoni bo'ldi.

Suhbat davomida Sardor Rahmonov bir qator savollarga javob berib o'tdi. Ular orasida eng saralarini taqdim etamiz.

- Turli yoshdagi terma jamoalarimizda faoliyat olib borgan Aleksey Evstafeev hozirda Rossiyada faoliyat olib bormoqda. Uning chetda ishlashi biz uchun qanchalik yo'qotish hisoblanadi?
- Yaxshi murabbiyni yo'qotganmiz. Imkoniyat bermadik. Evstafeevni olib qolib biror jamoani berish kerak edi, deb o'ylayman. Imkon berilmagani uchun ham O'zbekistondan ketdi. Menimcha qaytmaydilar.

- Yanada o'sishingiz uchun o'sha pallada nima to'sqinlik qilgan?
- Xarakterim. Tez xafa bo'lardim. Yosh bo'lganman. Hamma ayb o'zimda.

- 2018 yildan keyin AGMK - "Paxtakor" o'rtasidagi uchrashuvlarga omma tomonidan turli shubhalar sifatida qaraldi...
- To'g'ri. Lekin "Paxtakor" o'sha payt tarkib bo'yicha eng kuchlisi edi. Ular haqqoniy yutgan. Tan olish kerak. Agar bunday holat yuz berganida maydonga chiqmasdim.

Video intervyuning to'liq qismini tez fursatlarda etiboringizga havola qilamiz.