Sanjar SHoahmedovga Bahrayn klubi taklif bilan chiqdi

Olgan malumotlarimizga qaraganda unga Bahraynning "Riffa" jamoasi shartnoma taklif qilgan, futbolchi esa arab klubi tomonidan bo'lgan taklifni o'rganib chiqmoqchi. Bahrayn klubi OCHL Ikkinchi pley-off bosqichidan kurashga kirishadi, agar "Riffa" pley-offdan o'ta olsa, "C" guruhida "Fulad" (Eron), "Al Hilol" (Saudiya Arabistoni) hamda "Lokomotiv" (O'zbekiston) jamoalari bilan bellashadi.

SHuningdek, futbolchiga Eronning OCHL bahslarida ishtirok etadigan jamoalaridan biri ham qiziqish bildirgan.

Yuqoridagi jamoalar bilan kelishuv amalga oshmagan taqdirda Sanjarga Toshkentning "Paxtakor", "Lokomotiv" hamda "Bunyodkor" jamoalari ham qiziqishmoqda. "Olmaliq" futbolchisi OCHLda o'ynashni istamoqda, SHoahmedovning yakunda qaysi jamoa tarkibiga borib qo'shilishini vaqt ko'rsatadi.

Eslatib o'tamiz, uning "Olmaliq" bilan tuzgan shartnomasi shu yil so'nggida o'z nihoyasiga etadi, birinchi yanvardan esa erkin agentga aylanadi.