Sanjar Asqaraliev: “Hech qachon raqobatdan cho'chimaganman”

Tanaffusdan foydanalgan klub rahbariyati jamoa safini kuchaytirishga harakat qilishdi. Jumladan, “Neftchi” safiga ikkinchi davra arafasida sakkiz nafar yangi o'yinchi kelib qo'shildi. Ikkinchi davraga tayyorgarlik jarayonining asosiy qismi Toshkentda olib borildi. 

“SHo'rtan”ga qarshi kechadigan o'yindan oldin jamoa etakchisi Sanjar Asqaraliev bilan qisqacha suhbatda bo'ldik.

- Birinchi davra so'nggidagi g'alabalar futbolchilar ruhiyatini kutarib yubordi. O'zimizga bo'lgan ishonch ortdi. Hozir barchaning kayfiyati alo. Men ham qolgan o'yinchilari kabi “SHo'rtan”ga qarshi kechadigan o'yin haqida o'ylayapman. Ertaga faqat g'alaba uchun maydonga tushamiz.

- Ikkinchi davraga tayyorgarlikdan ko'nglingiz to'ldimi?
- Albatta. Toshkentdagi yig'in chog'ida bir nechta jamoalar bilan nazorat uchrashuvlarini o'tkazdik va bu o'yinlar bizga asqotdi.

- Jamoa safiga kelib qo'shilgan yangi futbolchilar borasida nimalar deya olasiz?
- Jamoamiz safiga kelib qo'shilgan o'yinchilarning barchasi yuqori saviyali. Murabbiylarimiz har bir chiziqni kuchaytirishga harakat qilishdi. O'ylaymanki, olib borilgan selekciya ishlari o'z samarasini beradi.

- Yangi futbolchilar kelgach, jamoada raqobat ham kuchaydi. Endi asosiy tarkibda maydonga tushish oson bo'lmaydi.
- Nimani nazarda tutayotganingizni tushundim. Men hech qachon raqobatdan cho'chigan emasman. Bundan tashqari, kimni maydonga tushirishni murabbiylar hal etishadi. Professional futbolchi sifatida ularning ko'rsatmalarini bajarishga harakat qilaman. “Neftchi” o'yinchisi ekanman, jamoaning g'alabasi uchun bor mahoratimni ishga solaman. 

Abror Dehqonov suhbatlashdi